“Transparenca dhe llogaridhënia duhet të mbeten prioritet i institucioneve publike në parandalimin e korrupsionit” ka thënë drejtori i APK-së Yll Buleshkaj në ditën ndërkombëtare kundër Korrupsionit. Gjatë vitit 2022 nga informatat të pranuara, në kuadër të mandatit të Agjencisë, mbi 30 raste janë iniciuar për trajtim nga bashkëpunimi me organizatat jo-qeveritare dhe mediat”, deklaroi Buleshkaj”
Gjatë prezantimit të punës së APK-së, Buleshkaj ka njoftuar se gjatë këtij viti, Agjencia ka pasur një performancë mjaft të mirë. Mirëpo ka theksuar edhe nevojën për staf të ri e burime financiare shtesë.
“Brenda njëmbëdhjetë muajve ka tejkaluar numrin e rasteve të trajtuara, krahasuar me totalet vjetore të viteve të mëhershme, megjithatë me përgjegjësitë e reja, pas miratimit të legjislacionit të ri, nevoja për staf të ri, burime financiare shtesë dhe profesionale vazhdon të mbetet kërkesë e vazhdueshme për të ngritur performancën e punës në përgjithësi”, shtoi tutje Buleshkaj.
Teksa ka shtuar se transparenca dhe llogaridhënia duhet të jena prioritet i institucioneve publike për parandalimin e korrupsionit.
“Llogaridhënia, transparenca dhe bashkëpunimi me mediat dhe organizatat Jo-Qeveritare, vazhdojnë të mbeten prioritet në parandalimin e korrupsionit dhe se vetëm gjatë vitit 2022, nga informatat e pranuara, në kuadër të mandatit të Agjencisë, mbi 30 raste janë iniciuar për trajtim nga bashkëpunimi me organizatat jo- qeveritare dhe mediat”, ka theksuar Buleshkaj.
Njëkohësisht, APK në bashkëpunim me zyrën e BE-së në Kosovë, do të lansojnë fushatën informuese për parandalimin e korrupsionit i cili ka për qëllim informimin e qytetarëve./teve1.info/.
