Ish-kryeministri Haradinaj ka potencuar se për AAK-në, partneriteti strategjik me SHBA-në është jetik, teksa theksoi se largimi nga këshillat amerikane mund t’i kushtojnë Kosovës.
“Andaj, improvizimet dhe largimi nga këshillat amerikane në një periudhë kur situata është shumë e brishtë, janë të dëmshme e mund t’i kushtojnë Kosovës. Ambasadorin Hovenier, e falënderova për mbështetjen e vazhdueshme që ShBA i jep Kosovës dhe për angazhimin e tij personal që është shumë i rëndësishëm në këtë periudhë”, ka shkruar ai.
Gjatë ditës së djeshme, ambasadori Hovenier është takuar edhe me kryetarin e LDK-së, Lumir Abdishiku dhe atë të PDK-së, Memli Krasniqi. /Teve1.info/