Nga Policia kanë bërë të ditur se njësitet policore janë sulmuar nga persona të armatosur me armë të gjata, raporton Teve1.info
“Sot me datë 08.12.2022, rreth orës 23:00, në fshatin Serbovc, Komuna e Zveçanit, Njësitet policore deri sa kanë qenë në detyra të rregullta, në patrullim, janë sulmuar nga persona të armatosur me armë të gjata, nga një automjet i tipit Audi, ngjyrë hiri, me targa KM”, thuhet në njoftimin e PK-së.
Sipas njoftimit, një pjesëtar i Policisë së Kosovës është lënduar.
“Si pasoj e incidentit, një pjesëtarë i Policisë së Kosovës është lënduar lehtë dhe janë shkaktuar dëme të konsiderueshme materiale në veturën e policisë. Njësitet relevante policore kanë dalë në vendngjarje, për të kryer hetimet, kurse zyrtari policor i lënduar është transportuar në QKMF për ofrimin e ndihmës mjekësisë”, thuhet më tej në komunikatën e Policisë. / Teve1.info/
https://teve1.info/lajmet/policia-e-kosoves-shton-prezencen-ne-veri/