Duke kujtuar dy vrasjet e fundit të grave, Osmani tha se në përpjekjet për të adresuar pasojat e dhunës mbi baza gjinore kërkohet edhe angazhimi i institucioneve arsimore.
Ajo tha se përballë kësaj emergjence kombëtare të gjithë duhet të jenë të bashkuar kundër luftimit të fenomeneve shqetësuese, pra si ai i dhunës mbi baza gjinore.
“Nuk kemi vajza e gra për të humbur. Lufta karshi dhunës ne baza gjinore është e pakompromis” tha ajo.
Ministrja e Drejtësisë, Albulena Haxhiu tha se dhuna ndaj grave nuk është çështje private porse çështje e shoqërisë dhe institucioneve për te ofruar siguri dhe drejtësi për viktimat.
Haxhiu tha se pavarësisht masave që kanë ndërmarrë sistemi i drejtësisë nuk po i kryen përgjegjësitë që ka./kp
