Ky vendim sipas Rizvanolli duhet të bëhet me qëllim të normalizimit të situatës, teksa shtoi se kjo procedurë është në përputhje me ligjin për energji.
“Meqenëse situata me energji nuk është përmirësuar gjatë muajve në vijim, Qeveria me procedurë të njëjtë ka marrë vendim për zgjatjen e masave për dy herë nga 30 ditë. Këto vendime i ka miratuar edhe Kuvendi i Republikës së Kosovës sipas procedurës së njëjtë, pra siç kërkohet me ligjin për energjinë. Në funksion të tejkalimit të kësaj situatë, Qeveria e Kosovës i propozon Kuvendit zgjatjen e masave emergjente me furnizim me energji, me qëllim të normalizimit të plotë të gjendjes dhe marrjes së masave shtesë, përfshirë këtu edhe vazhdimin e masave ekzistuese”, potencoi Rizvanolli para deputetëve.
Ndërkohë, ajo njoftoi se së shpejti në Kuvend do sjellin një amendament të ligjit i cili lejon zgjatjen e masave të bëhet për periudha më të gjata./teve1.info/.
