Në tryezën e mbajtur gjatë së mërkurës mbi patronazhin politik, organizuar nga Organizata Joqeveritare “Çohu”, u diskutua rreth politizimit të pozitave publike nga anëtarë të partive politike.
Hulumtimi i kësaj organizate tregon se mbi 200 zyrtarë publikë nga partitë politike janë punësuar gjatë viteve 2017-2021.
“222 zyrtarë publik të cilët janë të punësuar në pozita të larta publike kanë lidhje me partitë politike. Prej tyre 77 janë nga PDK, 54 nga LDK, 38 nga AAK, 13 nga Aleanca Kosova e Re, 20 nga Nisma, 7 nga VV, 4 nga PSD…”, thuhet në raport.
Këtë lloj punësimi e quan konflikt interesi drejtori i ‘’Çohu’’, Arton Demhasaj.
“Është konflikt potencial i interesit, në momentin kur ti po e shfrytëzon partinë politike që ke kontribu deri dje për të, që sot me hy edhe me marrë një pozicion të rëndësishëm në institucionet publike”, ka thënë Çehaja.
Se nuk ka meritokraci në punësim e thotë edhe përfaqësuesi i Agjencisë Kundër Korrupsion, Blerim Kelmendi.
“I përkrahin njerëz të caktum ose grupe të caktime politike pastaj ata shpërblehen me pozita publike. Kryesisht nuk merret si vlerësim kompetenca profesionale, por ma shumë bindja e tyre politike”,ka thënë ai.
Punësimi i këtillë sipas GLPS ka thyer besimin e qytetarëve.
“Shumë procese kanë qenë të diskutueshme, të dyshimta, sidomos kur po flasim për pozita të nivelit të lartë drejtues, si të shërbimit civil ashtu edhe të agjencive të pavarura të cilat e kanë dëmtu skajshmërisht edhe besimin e qytetarëve për këto procese”, ka thënë Ema Pula.
Ndërkaq, më tutje u diskutua edhe për gazin në aspektin ekonomik e ambiental.
Burim Ejupi nga INDEP tha rritja e kostos për gazin vjen për shkak të shpronësimeve.
Ndërsa konsulenti mjedisor, Sabit Restelica u shpreh i shqetësuar me mospërgatitjen shtetërore të krizës energjetike.
Kjo tryezë diskutimi u mbajt në kuadër të Javës kundër korrupsionit, e cila do të zgjatë deri me 9 dhjetor.
Kronika e realizuar nga Albiona Hajdari.
