Sveçla të mërkurën në një konferencë për media tha se vendimi për shtyrje të zgjedhjeve u takon institucioneve tjera si KQZ-së dhe Presidencës.
“Jam i bindur se Policia e Kosovës ka të gjitha kapacitet e nevojshme që të garantojë të gjitha proceset demokratike në Republikën e Kosovës. Për më shumë janë institucionet tjera që marrin vendimin si presidentja e Kosovës, KQZ që harton planin”, ka thënë Sveçla, raporton teve1.info.
Ai ka thënë se janë në pritje të planit të KQZ-së për organizimin e zgjedhjeve ku më pas Policia jep vlerësimin, ndërsa vendimi i fundit i takon presidentes Osmani.
“Ne po presim planin e KQZ-së lidhur me aktivitet e parapara për këtë proces dhe në bazë të tij Policia e Kosovës bënë vlerësimet e nevojshme dhe rekomandimet për institucionet vendimmarrëse dhe përfundon me vendimin e presidentes Osmani”,ka thënë ai.
Sveçla ka thënë se të martën Policia e Kosovës ka qenë vazhdimisht në veri ku ka ofruar siguri për qytetarët dhe ka evitu pasojat nga sulmet siç i ka vlerësuar ai terroriste.
“Të gjitha institucionet e sigurisë janë maksimalisht të angazhuar që të parandalojnë dhe në rast se këto raste ndodhin përgjegjësit të vihen para drejtësisë”,tha ai.
Të martën kanë ndodhur disa shpërthime në veri të Mitrovicës ku edhe janë sulmuar zyret e KKZ-së në veri të Mitrovicës./teve1.info/
