Deputeti Muja tha se nuk ka pasur vota të mjaftueshme për Trustin, pasi sipas tij, do të duhej të ishin 5 vota për, jo katër.
Gjatë ditës Komisioni për Buxhet ka shqyrtuar dhe votuar për këtë projektligj, me 4 vota pro, tri kundër dhe dy abstenime.
Nënkryetari i Komisionit nga radhët e PDK-së, Mërgim Lushtaku kërkoi të përsëritet votimi, por për një gjë të tillë nuk është pajtuar pozita.
Në këtë mbledhje, mori pjesë edhe deputeti nga AAK Besnik Tahiri, i cili u zhgënjye me konstatimin e fundit që nuk kalon Trusti. Ai fillimisht uroi që ka kaluar Trusti, por deputeti Muja i tha se një gjë e tillë nuk ka ndodhur.
“Urime që kaloi Trusti! O Zoti pa ju vra mos e lashtë!”, tha me Tahiri.
Pas kësaj, Komisioni votoi Projektligjin për ratifikimin e Marrëveshjes së Kredisë për Programin e financave publike dhe rritjes ekonomike ndërmjet Republikës së Kosovës dhe Fondit Opec për Zhvillim Ndërkombëtar./kp
