Nga ky samit erdhi një lajm i rëndësishëm për studentët e Shqipërisë, pasi siç njoftoi presidenti Rama, ata tanimë mund të fillojnë studimet në universitetet Evropiane në mënyrë digjitale.
“Dua tu them studentëve dhe të rinjve tanë, se nga ky samit ne vijmë me një lajm të shkëlqyer. Universitetet tona do të përfshihen në aleancën e arsimit të lartë në Evropë dhe nga një moment i caktuar pasi mund të jenë të gjitha procedurat e nevojshme të përfunduara, studentët tanë, mund të studiojnë prej këtej në çdo universitet evropian në mënyrë digjitale. Po ashtu, universitetet tona mund të nisin të lidhin aleanca e të rriten së bashku me universitetet Evropiane”, deklaroi Rama në konferencë.
Madje, Rama theksoi se kjo është hera e parë që që Bashkimi Evropian del nga kufijtë e BE-së për të mbajtur një samit të tillë, më konkretisht në Shqipëri, raporton teve1.info.
“Do të doja të theksoja përmasën tejet historike të këtij samiti. E këtë e shoh si një shenjë të jashtëzakonshme të një vetëdijesimi mbi të gjitha. Këto ditë Bashkimi Evropian ka nevojë për Ballkanin Perëndimor ashtu siç Ballkani Perëndimor ka nevojë për të. Është momenti që të gjithë njerëzve në rajon e sidomos populli shqiptar t’u përçohet mesazhi që Bashkimi Evropian është këtu për ne dhe për ju. Është një fakt i mirënjohur që orakulli i Brukselit e ka theksuar më shumë se sa një herë që shqiptarët janë kombi më pro BE-së në Evropë”, tha tutje Rama.
Më tej, Rama tha se Samiti i Ballkanit Perëndimor nuk do jetë fundi i rrugëtimit të Shqipërisë drejt Bashkimit Evropian, madje sipas tij, kjo do jetë një gur themel në të njëjtën kohë./teve1.info/.
