Osmani ka thënë se në momentet e fundit e kanë anuluar takimin krerët e institucioneve të Drejtësisë. Sipas saj, ata e kanë bojkotuar shtetin, pasi takimi nuk është për interesa personale por për interesa të popullit, raporton Teve1.info
Ajo tha se kryetari i Kuvendit, Glauk Konjufca është jashtë vendit, mirëpo i njëjti ka dërguar dikë.
Më tej, Osmani tregoi se qëllimi i kësaj mbledhje është t’i gjejnë gabimet e institucioneve dhe t’i përmirësojnë ato, që qytetarët të kenë më të lehtë jetën e në veçanti gratë.
Sipas saj, rastet e dhunës janë në rritje muajve të fundit, e për të është e dhimbshme për dy rastet e fundit vetëm brenda një jave.
Shefja e Shtetit përmendi edhe disa prej grave, të cilat janë vrarë nga bashkëshortët ose ish-bashkëshortët e tyre
Osmani i përmendi edhe dënimet se si janë shqiptuar, ku tha se 8 raste vetëm dënimi në përputhje me ligjin, prej 173 rasteve në total. Sipas saj, vetëm 5% janë në përputhje me ligjin.
Osmani tha se rrënjët e problemit janë shumë të thella.
Takimi i thirrur nga Osmani është bojkotuar nga krerët e institucioneve te drejtësisë, pasi të njëjtit kishin konfirmuar pjesëmarrjen.
Në këtë takim është edhe kryeministri i Kosovës, Albin Kurti. /Teve1.info/
