Kurti dhe Pack, folën për zhvillimet e fundit në vend, rajon dhe Evropë.
Sipas komunikatës së Qeverisë në këtë takimi Kurti e njoftoi Pack se Kosova gjatë këtij muaji do të dorzojë aplikimin për anëtarësim në BE.
“Kryeministri Kurti e njoftoi znj. Pack për prioritetet e Qeverisë, me theks investimet e huaja dhe planet për dorëzimin e aplikimit të Kosovës në Bashkimin Evropian gjatë këtij muaji. Ata diskutuan edhe për situatën gjeopolitike pas agresionit të Federatës Ruse ndaj Ukrainës”, thuhet në komunikatë.
Kurti falënderoi ish-eurodeputeten për kontributin e çmueshëm dhe të vazhdueshëm për popullin dhe vendin tonë, Kurti i tha asaj se “jeni gjithmonë të mirëseardhur në Kosovë”./teve1.info/
