Gazetarja e Tëvë1 e cila po qëndron te shtëpia e të ndjerës, tha se para pak kohësh ka kaluar një veturë e Policisë, mirëpo nuk ka të vendosur asnjë patrullë rezidente afër shtëpisë edhe pse motra e 35- vjeçares së vrarë ndihet e kërcënuar nga dorasi.
Sipas Jasharit patrulluat nuk mund ta kryejnë efektin e caktua po duhet të vendosen patrulla rezidente për të mbrojtuar familjarët e kërcënuar.
“Është për keqardhje që përkundër rrezikut që është akoma aktual që policia nuk ka vendos që të vendos një patrullë rezidente mbase në planet e tyre është që ata të kontrollojnë kohë pas kohe mirëpo mendoj që ata duhet të qëndrojnë rezident aty derisa kryesi i kësaj vepre makabër të kapet dhe të vuret në pranga sepse pa u vu në pranga nuk ka qetësi nuk ka rehati dhe ne mund ta harrojmë këtë çka ka ndodhur dhe ai mund të kryej sërish krime të tjera edhe më ta llahtarshme”, tha ai.
Sipas Jasharit, ky rast ka ndodhur nga neglizhenca e policisë dhe sipas tij sado që ata tani po mundohen që fajin t’i hedhin te njëri tjetri nga policia deri tek prokuroria nuk e ndryshon këtë fakt.
“Kjo flet shumë dhe tregon për atë që ka ndodhur në të kaluarën, domethënë këta policë me neglizhencën e tyre, sigurisht kanë bërë që të vijë deri te ky akt sado që mundohen ta shfajësojnë njëri tjetrin dhe ta gjuajnë topin, sa te policia te prokuroria, prokurori ta gjykata dhe gjykata te institucionet tjetra dhe nëse e shikojmë formalisht secila thotë se ne i kemi kryer detyrat tona mirëpo faktete dhe realiteti po tregojnë krejt një anë tjetër dhe ky realitet është i brishtë dhe është për keqardhje”, shtoi ai.
I ftuar në emisionin “Këndi i Debatit” në Tëvë1, Jashari tha se duhet të kërkohet përgjegjësi se pse ajo familje nuk është e siguruar dhe të kërkohet përgjegjësi pse po kërkohet pse po neglizhohet vazhdimisht.
https://teve1.info/lajmet/11-motra-e-35-vjecares-thote-se-ndihet-e-kercenuar-policia-thote-se-jane-duke-i-mbikeqyrur/
