Bëhet e ditur se rasti ka ndodhur të mërkurën në Prizren ndërsa kundër të dyshuarit është iniciuar procedura penale për veprën penale ‘dhunë në familje dhe i është shqiptuar masa e ndalimit policor për 48 orë.
“Me datën 30 nëntor 2022 rreth orës 19:00, në Stacionin Policor Prizren raportohet për një rast ‘dhunë në familje’ në rr. ‘Srebrenica’.Identifikohet personi i dyshuar A. P. (82 vjeç), i cili arrestohet për shkak të dyshimit se i njëjti ka ushtruar ‘dhunë’ kundër familjareve të tij”, thuhet në njoftimin e policisë, përcjellë teve.info.
Policia ka njoftuar se gjatë intervistimit të të dyshuarit, i njëjti ka pohuar se djali i tij posedon në shtëpi një armë zjarri.
“Lidhur me këtë informatë dhe pas njoftimit të prokurorit të Shtetit, identifikohet i dyshuari T. P. (51 vjeç), i cili më pas shoqërohet në Polici. Të njëjtit i gjendet në posedim dhe më pas i sekuestrohet në cilësi të dëshmisë një armë zjarri – pistoletë me gjashtë fishekë”, thuhet tutje në njoftim.
Me vendim të prokurorit të Shtetit rasti vazhdon në procedim të rregullt, kurse i dyshuari pas intervistimit lirohet ndërsa kundër tij ngritet kallëzim penal për veprën ‘mbajtja në pronësi, kontroll ose posedim të paautorizuar i armëve’./Teve1.info/
