Sipas tij, Kurti ende s’po e kupton që është udhëheqës i shtetit.
Abdixhiku përmes një postimi në Facebook, ka thënë se Kurti po të donte rend e ligj, nuk do ta linte shtetin pa kryeprokuror dhe nuk do t’ia zbriste pagat sistemit të drejtësisë, shkruan teve1.info
“Nëse do shërbime më të mira spitalore – dhe siguri brenda spitaleve tona – të mos presë mbi 100 ditë për të vënë një ministër të shëndetësisë. Të tretin në më pak se dy vite qeveri. Po të donte rend e ligj, nuk do ta linte shtetin pa Kryeprokuror tash e një vit e nuk do t’ia zbriste pagat gjithë sistemit të drejtësisë, për të shkaktuar kaos aty. Një sistem i tërë drejtësie është në greve; mbi 500 lëndë në ditë shtyhen si pasojë e kësaj përplasjeje të panevojshme”, ka shkruar Abdixhiku.
Tutje Abdixhiku, theksoi se nëse kryeministri Kurti do përgjegjësi le të merret me ministrin e Brendshëm të tij dhe të gjithë singjirin komandues.
“Nëse do përgjegjësi, le të merret me ministrin e Brendshëm të tij dhe gjithë zinxhirin komandues, të cilin vetë e ka caktuar ai – nga Drejtori i Policisë e poshtë. Një grua shtatzënë kishte urdhër mbrojtje. Shteti i udhëhequr nga ai, ka rënë në çdo drejtim”, ka shkruar ai.
Madje ai ka kërkuar nga Kurti që të merr masa e të veproj, sepse sipas tij “për atë punë është aty”.
Ndryshe, të mërkurën në mbrëmje, në oborrin e Klinikës së Gjinekologjisë në QKUK, një grua shtatzënë u vra nga ish-bashkëshorti i saj.
Ndaj tij ishte në fuqi edhe urdhri i mbrojtjes nga shtetit, sipas së cilit ai nuk guxonte t`i afrohej ish-gruas së tij. Udhëri ishte valid deri në muajin mars të vitit të ardhshëm./teve1.info
