Këtë deklaratë Muja e bëri në interpelancën e ftuar me kryeministrin Albin Kurti për “Masat urgjente të Qeverisë në raport me situatën e krijuar në vend”, shkruan teve1.info
Ai me këtë rast tha se asnjëherë në veri të Kosovës nuk ka pasur më shumë rend dhe ligj.
“Në tekstin e rezolutës së propozuar nga Grupi parlamentar AAK thuhet se vendi nuk ka qenë asnjëherë në pozitë më të rëndë, kjo deklaratë do të ishte e besueshme vetëm nëse do të thuhet se krimi i organizuar nuk ka qenë asnjëherë në pozitë më të rëndë…Asnjëherë në veri të vendit nuk ka pasur më shumë shtet të Kosovës e asnjëherë nuk ka pasur më shumë rend dhe ligj”, tha ai.
Tutje Muja tha se kjo rezolutë e propozuar nga AAK-ja nuk do të mbështet nga AAK-ja teksa tregoj edhe arsyet se pse nuk e mbështesin.
“Kjo rezolutë nuk do të mbështetet nga VV-ja për disa arsye, njëra ndër do është se faktet që ceken aty janë të pasafatshme kurse çështjet ose pretendimet e tjera janë të paqëndrueshme ose të pabazuara”, shtoi ai.
Tutje deputeti i VV-së tha se normalizimi i raporteve në mes Kosovës Serbisë nënkupton normalizim e të dy shoqërive.
“Kosova është e interesuar për normalizim të plotë të raporteve me Serbinë në kornizë të dialogut të ndërmjetësuar nga BE-ja për të përkrahur edhe nga Shtetet e Bashkuara të Amerikës”, deklaroi ai./Teve1.info/
