Përmes një njoftimi për media, nga ky Spital kanë bërë të ditur se ky fenomen po ndodh që sa vite, ku persona të pandërgjegjshëm po futin në oborr një numër të madh të lopëve.
Sipas tyre, futja e bagëtive dhe qenve endacak në Spital, rrezikon pacientët nga infeksionet.
“Spitali i Përgjithshëm në Pejë shfaq shqetësimin lidhur me fenomenin e pandërprerë që po ndodhë që sa vite lidhur me futjen e bagëtive në oborrin e Spitalit nga personat e pandërgjegjshëm, si dhe me numrin e madhë të qenëve endacak që rrezikojnë vizitorët dhe personelin tonë. Futja e bagëtive më konkretisht numrit të madhë të lopëve në oborrin e Spitalit rrezikon në skajshmëri pacientët nga infeksionet, shkakton dëme në bimët që janë kultivuar dhe ruajtur për vite, dhe dëmton jashtëzakonisht imazhin e Institucionit tonë”, thuhet në njoftim.
Po ashtu, në njoftim është bërë e ditur se vite me radhë përmes shkresave kanë kërkuar nga organet e përgjegjëse por sipas tyre asnjëherë nuk është arritur që të parandalohet.
“Personat e pandërgjegjshëm futjen e lopëve në oborrin e Spitalit e bëjnë duke dëmtuar rrethojat e oborrit apo formave tjera dhe me gjithë përpjekjet e punëtorëve teknik që zakonisht një nga ta duhet tërë ditën të merrët me largimin e bagëtive nuk po arrihet që të parandalohet futja e këtyre bagëtive. Spitali i Përgjithshëm në Pejë në mënyrë të vazhduar për vite me rradhë përmes shkresave, fotografive e videove ka kërkuar nga organet përgjegjëse: Inspektoriati i Komunës së Pejës, Policia e Kosovës, Inspektoriati Sanitar që të ndërmerren masa ndaj pronarëve të këtyre bagëtive por ky fenomen asnjëherë nuk ka arritur që të parandalohet”, thuhet më tej në njoftim.
Ndërkaq, nga Spitali i Pejës kanë aplikuar te institucionet përkatëse që të ndërmarrin masa ndaj pronarëve të bagëtive dhe të zgjidhet problemi i qenve endacak.
“Përmes kësaj komunikate apelojmë tek të gjitha Institucionet e nivelit Komunal dhe atij Qeveritar dhe tek Individët e tjerë që të na ndihmojnë duke marrë masa konkrete ndaj pronarëve të bagëtive dhe duke zgjedhur problemin e qenve endacak sepse kjo është pengesë e jashtëzakonshme për punën e Institucionit tonë shëndetësorë”, është bërë e ditur në njoftimin e këtij Spitali. /Teve1.info/
