Murati përmes një postimi në Twitter, këtë deklaratë e ka lidhur me protestën e sotme të organizuar nga qytetarët serbë në Beograd, në mbështetje të Rusisë, shkruan Teve1.info
Murati ka thënë se kjo protestë tregon se Beogradi është i vetmi qytet që mblidhet në mbështetje të Putinit.
“’Nëse Kosova i bashkohet NATO-s, do të jetë një kërcënim për Serbin’, tha ministri i Brendshëm i Serbisë, duke bërë jehonë të ngjashme me deklaratën e bërë nga Putin disa ditë para se të sulmonte Ukrainën. Sonte shohim se ngjashmëritë nuk janë vetëm me fjalë – Beogradi është i vetmi qytet që mblidhet në mbështetje të Putinit”, ka shkruar Murati.
Protestuesit janë mbledhur në afërsi të Presidencës së Serbisë duke e mbyllur rrugën për qarkullim dhe kanë kënduar mesazhe mbështetjeje për Rusinë.
Tubimi filloi me himnet e Serbisë dhe Rusisë.
Është raportuar se qytetarët mbanin flamuj rus dhe serb dhe brohorisnin “Rusi, Rusi”, “Serbët dhe rusët janë vëllezër përgjithmonë”, “Tradhëti, tradhëti” dhe “Vuçiq shqiptar, e tradhtove Serbinë”. /Teve1.info/
“If Kosovo joins NATO, it will be a threat to Serbia” said Serbia’s Min of Interior, echoing similar to the declaration made by Putin days before attacking Ukraine.
Tonight we see that similarities are not in words only – Belgrade is the only city to rally in support of Putin. pic.twitter.com/FuM2GroVpu
— Hekuran Murati (@HekuranMurati) March 4, 2022
