Nikolla me këtë rast tha se kjo mbledhje e mbajtur sot rikonfirmon thirrjen shpirtërore “një komb, një qëndrim”, atë të vëllazërimit Shqipëri-Kosovë, përcjellë teve1.info.
“Dikur edhe si ëndërr nuk mund të na shfaqej ky moment, nga pengesat e panumërta të historisë, që ekzistencën, territorin, gjuhën dhe identitetin na e vinin në diskutim… Asnjëherë nuk i ikën nderit e privilegjit që iu dha emri shqiptar. U bë Shqipëri dhe Kosova, u bënë shqiptarët këndej e andej kufirit qytetarë të denjë të civilizim. Pa dallim feje, krahine dhe ideje, iu falën flamuri kombëtar”.
Tutje Kryetarja e Parlamentit të Shqipërisë, Lindita Nikolla tha se Shqipëria dhe Kosova sot janë dy shtete të pavarura, demokratike e të respektuara, me miq aleat të mëdhenj, SHBA-në dhe BE-në, me aspirata për në Bruksel.
