Këtë deklaratë Sveçla e bëri me rastin e të shënimit të 110-vjetorit të Pavarësisë së Shqipërisë në mbledhjen e përbashkët të dy qeverive, Kosovës dhe Shqipërisë, shkruan teve1.info.
Ministri në fjalën e tij të rastit ndër të tjera foli edhe për marrëveshjet mes Shqipërisë dhe Kosovës për të cilat tha se do të prodhojnë unifikimin e hapave të dy vendeve.
“Tani është koha më shumë se kurrë që hapat tonë të jenë një, që mbërritja jonë drejtë qëllimit të jetë sa më e shpejtë. Marrëveshjet mes dy shteteve tona kanë filluar të prodhojnë efektet e tyre … Këto marrëveshje do të prodhojnë unifikimin e hapave tanë. Ka një sërë marrëveshjesh me objekt hapjen e pikave të përbashkëta të kalimit kufitar që synojnë thjeshtësimin e procedurave të kontrollit me interes të lehtësimit të qarkullimit të njerëzve dhe automjeteve bazuar në parimin e nj]ë ndale një kontroll”, tha ministri Sveçla.
