Përmes një komunikate për media, Ministria e Punëve të Jashtme dhe Diasporës ka njoftuar se Gërvalla në këtë konferencë merr pjesë me ftesë të Sekretarit të Jashtëm të Britanisë së Madhe, JamesCleverly, përcjellë teve1.info.
“Konferenca do të përqendrohet në reagimin global ndaj dhunës seksuale në konflikt, parandalimin e saj, mbështetjen e të mbijetuarve dhe fëmijëve të lindur nga dhuna seksuale në konflikt, si dhe në nxitjen e veprimeve dhe praktikave më të mira për të krijuar përgjegjësi ndaj autorëve të kësaj dhune”, thuhet në njoftimin e ministrisë.
Po ashtu është bërë e ditur se gjatë punimeve të konferencës,Gërvalla do të zhvillojë edhe një sërë takimesh bilaterale me homologë, përfaqësues të ndryshëm të shteteve pjesëmarrëse dhe të organizatave ndërkombëtare.
Konferenca Ndërkombëtare Ministrore për Parandalimin e Dhunës Seksuale në Konflikt mbahet nga 28-29 nëntor në Londër të Mbretërisë së Bashkuar, nën patronatin e Ministrisë së Punëve të Jashtme të Britanisë së Madhe.
