Kjo ngritje e çmimeve po del të jetë e papërballueshme për xhepin e qytetarëve. 1 euro e 54 cent ishte litra gjatë ditës së enjte.
Këtë ngrije të çmimit të derivateve ekonomisti Musa Limani e ka cilësuar të arsyeshme, pasi sipas tij caktohen në bazen ndërkombëtare.
“Çdo ndryshim i cilitdo faktor të prodhimit ndikon edhe në inflacion përkatësisht në ngritjen e çmimeve. Çmimi i naftës caktohet në bazen ndërkombëtare dhe ajo është ngritë, prandaj natarët tanë e importojnë naftën në bazë të çmimit kushtues dhe ata nuk mundën me e shitë nën çmimin kushtues sepse vinë deri tek likuidimi”është shprehurLimani.
Nga ana tjetër, Selatin Kaçaniku nga organizata “Konsumatori”, thotë se çdo rritje e çmimeve është e tepërt dhe se krahas këtyre ai shton se nuk po sheh ndonjë ndihmë nga Qeveria.
“Ne kemi të bëjmë me mbi 30% të popullatës, të qytetarëve të familjeve konsumatore të falimentuara, tek të cilët qoftë edhe 0.01% e rritjes së çmimeve ndikon shumë” ka thënë Kaçaniku.
