Sipas ME-së, afati është zgjatur deri më 2 dhjetor të këtij viti.
Nga kjo ministri kanë thënë se zgjatja e afatit është bërë pas kërkesave të shumta të qytetarëve.
“Ministria e Ekonomisë njofton të gjithë qytetarët e interesuar për aplikim në Thirrjen e Dytë publike për subvencionim të efiçiencës së energjisë për qytetarët 03/2022, se ka vendosur të zgjasë afatin për aplikim për Fazën 1 deri më 2 Dhjetor 2022. Zgjatja e afatit bëhet duke u bazuar në kërkesat e shumta të qytetarëve të cilët, përkundër interesimit nuk kanë arritur të aplikojnë në Fazën 1 brenda afatit të përcaktuar”, thuhet në njoftim.
Po ashtu, ME-ja ka ftuar qytetarët që të sa më parë ta kryejnë këtë proes të aplikimit.
“Andaj duke u bazuar në Ligji Nr.05/L-031 për Procedurën e Përgjithshme Administrative, Ministria e Ekonomisë, ka vendosur që palëve të interesuara t’ua mundësojë realizimin e kërkesave për subvencionim, respektivisht arritjen e objektivit të kësaj Thirrje. Ministria fton të gjithë qytetarët e interesuar për aplikim që sa më parë të kryejnë këtë proces në mënyrë që të jenë përfitues të subvencionit”, është bërë e ditur në njoftimin e Ministrisë së Ekonomisë. /Teve1.info/
