Stano thotë se BE-ja nuk përcakton afate për marrëveshje finale.
Sipas tij, afatet janë në duar të Kosovës dhe Serbisë.
“Kur flasim për urgjencë; dita e djeshme duket tashmë tepër vonë, sepse kjo situatë vazhdon më shumë se prej 10 vjetësh dhe kjo nuk është në interes të qytetarëve të Kosovës dhe Serbisë. Në vend që të përcaktojmë afate artificiale, ne po ndihmojmë palët, pasi janë palët që vendosin se kur do të jenë gati të arrijnë datën përfundimtare për arritën e marrëveshjes gjithëpërfshirëse lidhur me normalizimin e marrëdhënieve midis tyre dhe për të ecur përpara. Për të ecur përpara nga metoda e menaxhimit permanent të krizës te metoda e pajtimit. Nuk jemi ne që përcaktojmë afatet. Afatet janë krejtësisht në duart e palëve, në përfitimin e qytetarëve të tyre dhe Bashkimi Evropian do bëjë çdo gjë që mundet që palët të gjejnë kompromisin. Por u takon palëve që të gjejnë kurajën për të arritur në kompromiset e nevojshme me frymën evropiane”, tha ai për Abcnews.al
Kryeministri i Kosovës, Albin Kurti, ka thënë se është caktuar marsi i vitit 203 për arritjen e një marrëveshje për normalizim të marrëdhënieve Kosovë- Serbi, e cila do të jetë më njohje reciproke.
