Përmes njoftimit, IHMK bëri të ditur se kjo situatë do ta vështirësojë situatën e cila është e rënduar nga ditët e kaluara që shkaktuan vërshime.
“Duke filluar nga sot pasdite 22/11/2022, në pjesën më të madhe të vendit do të vazhdojnë reshjet, por me intensitet dhe në sasi, më të larta do të jenë në pjesën perëndimore të vendit. Kjo situatë do ta vështirësoi edhe më tepër edhe ashtu të rënduar nga ditët e kaluar e të cilat shkaktuan disa vërshime”, thuhet ndër tjerash në njoftim.
Sipas IHMK-së, pas vazhdimit të reshjeve pritet që të ketë përsëritje ngritje me mundësi paraqitjeje dhe përmbytje lumore.
“Aktualisht tendencat e niveleve dhe prurjeve të ujit në shumicën e lumenjve janë në rënie të letë, por pas vazhdimit të reshjeve, pritet që përsëri ata të pësojnë ngitje me mundësi që ti kalojnë kapacitetet e tyre transportuese nëpër disa segmente dhe si pasojë do paraqiten edhe përmbytje lumore, por edhe tejngopje e tokave të shkaktuar nga sasia e madhe e reshjeve. Kjo situatë do të vazhdoj edhe gjatë ditës së nesërme por me intensitet më të ulët”, thuhet tutje në njoftim./teve1.info/
