Gjatë tri vjetëve të fundit është shënuar rritje në financimin e sektorit të prodhimit vendor.
Kjo rritje ka shkuar nga 250 milionë në 550 milionë euro në portofolin kreditor.
Derisa prodhuesit përballen me sfida të ndryshme, kryeshefi ekzekutiv në Shoqatën e Bankave të Kosovës, Petrit Balija e thekson informalitetin si njërën ndër më kryesoret.
“Megjithatë shumë sfida mbesin në këtë sektor, një prej problemeve më të mëdha është informaliteti.. Iniciativa të ndryshme që qeveria mund të merr, në aspektin e politikave fiskale, doganore, të cilat I ka marrë në të kaluarën duke liruar produktet bazë nga dogana, dhe duke mundësuar grante apo përqindje të subvencionimit në barrën e kredive”, shtoi ai.
Balija për tëvë1 thotë se sfidë të madhe për këto biznese paraqet edhe mungesa e punëtorëve.
“Përveç që nuk kemi punëtorë të kualifikuar sa duhet kemi dhe ikje të punëtorëve nga tregu i Kosovës, e që paraqet një sfidë të madhe për këto biznese”, tha ai.
Bizneset prodhuese të Kosovës tani kanë mundësi të krijojnë lidhje me biznese të huaja, ose të bëjnë tregti jashtë vendit, ndryshe ka kaluara kur kishte një ndërprerje të zinxhirit furnizues gjatë pandemisë.\
Kronika e realizuar nga Lendrina Kodrolli.
