Përmes komunikatës, AKK thotë se te neni 9 i Ligjit të Buxhetit 2023 është shtuar një paragraf ku thuhet se me këtë po tentohet që Komunave të ju merren të hyrat vetanake të pashpenzuara.
“Qeveria e Kosovës gjatë hartimit të Ligjit për buxhetin e vitit 2023 ka ndërhyrë në pjesën tekstuale të ligjit dhe me këtë cenon pavarësinë financiare të Komunave. Më saktësisht tek neni 9 i Ligjit të Buxhetit 2023, paragrafi 6 është shtuar heshturazi pasuesi i fundit “Të gjitha të hyrat vetanake të mbledhura para vitit fiskal 2022 dhe të pashpenzuara, bëhen pjesë e Fondit të Kosovës në bilancin bankar”. Me këtë po tentohet qe Komunave të ju merren të hyrat vetanake të pa shpenzuara”, thuhet në njoftim.
Sipas njoftimit, Bordi i AKK-së kërkon që të hiqet ky pasues sepse është në kundërshtim me Ligjin e Financave Lokale dhe të Financave të Pushtetit Lokal.
“Në emër të Asociacionit të Komunave të Kosovës, Bordi kërkon që të hiqet ky pasues, sepse është në kundërshtim me Ligjin e Financave Lokale dhe Përgjegjësitë e po ashtu edhe me Ligjin e Financave të Pushteti lokal. Komunat e Kosovës, pavarësinë financiare e kanë të rregulluar dhe kërkojmë që mos të ketë ndërhyrje nga niveli qendror”, thuhet në njoftim./teve1.info/