Përmes një postimi në Twitter, ajo u shpreh se uniteti i botës demokratike kundër luftës brutale të presidentit rus, Vladimir Putin kundër Ukrainës mbetet i palëkundur.
“Ne qëndrojmë në solidaritet të plotë me Poloninë dhe aleatët e NATO-s pas sulmit sonte dhe shprehim ngushëllime të thella për familjet e viktimave. Uniteti i botës demokratike kundër luftës brutale të Putinit në Ukrainë mbetet i palëkundur”, ka shkruar Osmani.
We stand in full solidarity with our Polish and NATO allies following tonight’s attack and express our deepest condolences to families of the victims.
The unity of the democratic world against Putin’s brutal war in Ukraine remains unwavering.
— Vjosa Osmani (@VjosaOsmaniPRKS) November 15, 2022
Kryeministri, Albin Kurti i ka dënuar sulmet e raketave ruse në Poloni ku vdiqën dy persona.
Përmes një postimi në Twitter, Kurti ka bërë thirrje për një hetim të plotë të këtij sulmi.
“Ngushëllimet e mia për Republikën e Polonisë pasi dy civilë u vranë pranë kufirit polako-ukrainas në mes të sulmit raketor të Rusisë në territorin ukrainas. Unë bashkohem me botën demokratike në dënimin e krimeve të luftës të Rusisë dhe bëj thirrje për një hetim të plotë të sulmit”, ka shkruar Kurti.
Sekretari i përgjithshëm i NATO-s, Jens Stoltenberg, thotë se i ka shprehur ngushëllime presidentit të Polonisë, Andrzej Duda për vdekjen e dy personave pasi dy raketa ruse ranë atje.
Përmes një postimi në Twitter, Stoltenberg tha se po monitorojnë situatën dhe se është me rëndësi që të vërtetohen të gjitha faktet.
“Fola me presidentin e Polonisë, Duda, për shpërthimin në Poloni. I shpreha ngushëllimet e mia për humbjet e jetës. NATO po e monitoron situatën dhe aleatët po konsultohen nga afër. Është e rëndësishme që të gjitha faktet të vërtetohen”, ka shkruar Stoltenberg në Tëitter
Departamenti amerikan i shtetit i ka vlerësuar si shqetësuese raportimet se raketar ruse kanë goditur Poloninë ku si pasojë kanë vdekur dy persona.
Zëdhënësi i DASH-it, Vedant Patel u ka thënë gazetarëve se Shtetet e Bashkuara të Amerikës po punojnë të kuptojnë më tepër ngjarjen dhe koordinimin e hapave të mëtutjeshëm, raporton Reuters.
Patel ka shtuar se SHBA-ja është duke diskutuar me Qeverinë e Polonisë dhe aleatët në lidhje me këtë.
Lidhur me zhvillimet e së martës, një zyrtar i NATO-s ka thënë për BBC-në se po shqyrtojnë këto raporte dhe koordinohen nngushtë me Poloninë.
Ndërkaq, edhe ministrja e Jashtme e Kosovës, Donika Gërvalla ka reaguar pas raportimeve se dy raketa ruse kanë rënë në territorin e Polonisë, duke lënë të vrarë dy persona.
Ajo në Tëitter ka thënë se Kosova qëndron me Ukrainën kundër regjimit të Putinit, teksa kërkoi nga BE-ja të reagojë para se siç tha ajo Putin të sjellë luftë në gjithë kontinentin.
“Të pikëlluar nga humbja e dy jetëve në Poloni, të cilët janë goditur nga raketat ruse. Jemi me familjet e tyre, Kosova qëndron krah Polonisë kundër regjimit të Putin. BE duhet të veprojë më vendomërisht për ta ndalur Putinin, përpara se ai dhe instrumentet e tij të sjellin luftën në tërë kontinentin”, ka shkruar ajo./teve1.info/
