Garda ceremoniale e FSK-së dhe ministri i Punëve të Brendshme, Xhelal Svecla, kanë marrë pjesë në një ceremoni të organizuar nga ambasada gjermane dhe ajo franceze, në përkujtim të ushtarëve të rënë gjatë Luftës së Parë Botërore, ku u bën nderimet është edhe pllaka përkujtimore e ushtarëve serbë të rënë gjatë asaj kohe.
Dugolli nuk u pajtua me reagimin e Ministrisë, të cilët thanë se Togu ka marrë pjesë si formacion mbështetës i Ambasadës franceze nën organizimin e tyre me qëllim nderimin e ushtarëve të rënë francez dhe gjerman.
Sipas tij, çdo justifikim i këtij lloji është gabim dhe duhet pranuar se ishte lëshim dhe gabim rreshtimi i ushtarëve.
“Çdo justifikim i këtij lloji është gabim në vetëvete. Duhet pranuar se ishte lëshim dhe gabim rreshtimi i ushtarëve tanë (pa fajin e tyre) para një pllake ku përkujtohen ushtarët serb të rënë në luftën e parë botërore të cilët historikisht dihet se kanë kryer krime të rënda ndaj shqiptarëve”, shkruan deputeti./teve1.info/
https://teve1.info/lajmet/ministria-e-mbrojtjes-reagon-pas-raportimeve-se-ushtaret-e-fsk-se-nderuan-te-renet-serb/
