Kështu u shpreh ai teksa komentoi nderimet që iu bën ushtarëve serbë nga FSK-ja dhe ministri i Brendshëm, Xhelal Sveçla për të cilin pati kritika të shumta sepse ata ishin ushtarë serbë që kishin kryer krime ndaj popullatës civile në atë kohë.
Në një lidhje direkte në emisionin “Ditari” në tëvë1, historiani thotë se në rastin konkret janë bërë nderime për një varrezë ku ushtarë që kanë kryer krime kundër popullit shqiptar.
“Realisht në aspektin human çdo viktimë civile e luftës duhet respektuar por në kontekstin e Kosovës është më ndryshe sepse nga përvoja historike kemi mijëra raste kur viktimë e luftës kanë qenë populli i Kosovës… E kuptoj është në rregull të bëhet në nderime për të rënët por në rastin konkret kemi të bëjmë nderime te një varrezë ku ka të vrarë ushtarë që kanë kryer krime kundër popullit shqiptar në Kosovë”, tha ai.
Miftari vlerëson se në raste të tilla, është dashur që Sveçla t’ua shpjegojë ambasadorit francez e gjerman se nuk mund të bëhen nderime ushtarëve që janë vrarë si pushtues.
“Prandaj mendoj që duhet në raste të tilla të bëhet analiza, të diskutohet më mirë dhe të ndërmerren veprime sepse në fund të fundit unë jam i mendimit të bëjmë zgjidhje. Të lirohemi nga e kaluara por në mëyrë që po barazohemi nuk është e drejtë sepse ne nuk jemi as pushtues as nuk po bëjmë përpjekje por kemi qenë të pushtuar, kemi qenë viktimë, jemi vrarë me qindra dhe mijëra civilë, jemi depërtuar mijëra me vende tjera dhe mendoj që në këtë kontekst nuk duhet shikuar që jemi kundër marrëveshjes paqësore”, tha ai.
Po ashtu, historiani vlerëson se nuk mund të mirret pretekst pajtimi mes Gjermanisë dhe Francës që të implementohen në rastin e Kosovës dhe Serbisë, pasi kjo e fundit i ka mohuar krimet dhe nuk e njeh shtetin kosovar.
“Prandaj e kuptoj këtë përpjekjen që po merret si shembull pajtimi i gjermano-francez që të implementohen edhe në rastin Kosovë – Serbi. Por, kemi një hendek të madh dhe diskrepancë në dy rastet sepse derisa ato e njohin njëra tjetrën shtetin dhe realisht dëmet e Luftës së Dytë Botërore ka pranuar populli gjerman ti pagujë dhe tu pranojë fajet e luftës. Ndërkaq në rastin Kosovë – Serbi, kemi diçka krejt ndryshe. E para, shteti serb nuk po na njeh shtetin, e dyta nuk i njeh krimet që i ka kryer monstruoze që vetëm gjatë luftërave ballkanike janë me mijëra të vrarë, nuk e njeh pushtimin por realisht e quan çlirimin e Kosovës që është gabim e me këtë diskurs është problematike të bëhet një marrëveshje gjithëpërfshirëse”, shtoi ai./teve1.info/
