Përmes njoftimit, ME ka bërë të ditur se humbjet vetëm gjatë 2021-ës, arrijnë shifra të larta saqë dy blloqet e Termocentralit duhet punuar 31 ditë për t’i mbuluar ato.
“Humbjet Komerciale apo vjedhjet e energjisë elektrike vetëm për vitin 2021, arrijnë shifra aq të larta sa dy blloqet e Termocentralit “Kosova B” duhet të punojnë 31 ditë për t’i mbuluar ato. Këto vjedhje të energjisë elektrike, jo vetëm që janë vepra penale, por janë një kosto e papërballueshme për qytetarët e vendit të cilët i paguajnë këto kosto në fatura”, thuhet ndër tjerash në njoftim.
Tutje, Ministria thotë se është në komunikim të vazhdueshëm me institucionet përgjegjëse të furnizimit që po organizojnë aksione të vazhdueshme për t’i ndalur vjedhjet.
“Ministria e Ekonomisë është në komunikim të vazhdueshëm me institucionet përgjegjëse të furnizimit të cilët janë duke organizuar aksione të vazhdueshme me institucionet e rendit për t’i ndalur vjedhjet e energjisë elektrike. Veçanërisht në kohë krize, është kritike që të jemi të ndërgjegjshëm ndaj njëri-tjetrit e ndaj vendit tonë për të lehtësuar përballjen me pasojat negative”, thuhet në njoftim./teve1.info/
https://teve1.info/lajmet/per-nje-jave-keds-kap-187-konsumatore-duke-vjedhur-rrymen/
