Kështu është bërë e ditur pas mbledhjes së Kryesisë së Kuvendit të mbajtur të hënën me kryetarët e grupeve parlamentare.
Sipas njoftimit, pas deklarimeve jashtë rendit të ditës dhe pyetjeve parlamentare, Kuvendi do shqyrtojë në lexim të parë Projektligjin mbi ndarjet buxhetore për Buxhetin e Republikës së Kosovës për vitin 2023.
Po ashtu, Kuvendi do të mbajë seancë edhe të premten ku do të vazhdojë punimet me pikat e mbetura në seanca të kaluara.
“Të premten, ndërkaq, në orën 13:00, Kuvendi do të vazhdojë punimet me pikat e mbetura nga seanca e papërfunduar më 7 dhe 24 tetor 2022. Në mbledhjen e sotme, Kryesia, konform kompetencave të saj, shqyrtoi edhe çështje të tjera nga fushëveprimtaria e Kuvendit”, thuhet ndër tjerash në njoftim./teve1.info/
