Por, ish-veprimtarët e Lëvizjes Popullore të Kosovës, këtë vit ia kanë kushtuar veprimtarisë së tre heronjve, ndërsa në fund të këtij viti, po e paralajmërojnë një simpozium ku do të publikohen detaje interesante nga jeta e tre veprimtarëve.
Por, atentatit ndaj vëllezërve Gërvalla dhe Kadri Zekës dyzet vjet më parë, i kishin parapri disa ndodhi interesante.
Për to, më pas ka treguar vet Tushe Gërvalla, gruaja e Bardhosh Gërvallës.
E nata e kobshme për tre ish-veprimtarët, ishte 17 janari i vitit 1982.
Derisa ndodhshin në makinë afër shtëpisë së tyre, mbi ta u shkrep një breshëri plumbash.
Bardhosh Gërvalla e Kadri Zeka, gjetën vdekjen në vend.
Ndërsa Jusuf Gërvalla u plagos rëndë.
E para vdekjes, policisë gjermane arriti t’ia thoshte këto fjalë.
“Ka qenë UDB-ja (serbe)”.
Por, pavarësisht këtyre fjalëve, policia gjermane, ka 4 dekada që nuk bëri gjë për zbardhjen e këtij rasti.
“Deri me sot nuk ka ndonjë rezultat konkret, përveç që dihet që ka qenë vepër e shtetit pushtues jugosllav, sepse lëvizja jonë ka qenë organizata më persekutuar në Evropë”, thotë Xhevat Bislimi, kryetar i Shoqëria “Lëvizja”
Ndërsa në fund të vitit, Bislimi, thotë se do të shpalosën detaje interesante në lidhje me këtë rast.
“Në simpoziumin shkencor, do të ketë prurje të reja, kumtesa, që sjellin indo, fakte, të papublikuara më parë”, thotë ai.
Në 40 vjetorin e rënies së tre veprimtareve të shquar, ish-veprimtarët e Lëvizjes Popullore të Kosovës, kërkojnë që rasti i Vëllezërve Gërvalla e Kadri Zekës,të gjej vend në tekstet shkollore.
Kronika e realizuar nga Fidan Zejnullahu