Kujtimet i kanë mbetur vetëm brenda fotografive të vjetra.
Është kjo familja e Rafije Tahirukajt, në Gllamoq të Bosnje dhe Hercegovinës.
Këta për herë të fundit, boshnjakja e martuar në Kosovë, i vizitoi 15 vjet më parë.
Kjo kur Rafije Tahirukajt i vdiq vëllai.
Ndërsa në kufi, thotë se serbët i dëmtuan letërnjoftimin.
“Veç i kom thanë që unë nuk po shkoj me ba tregti, as kurrgjë hiç, lejen e njoftimit është e marrë ne Kragujevc, tek ju, as në Tiranë as në Prishtinë. Ai serbi ka çkap syretin dhe ma ka bo shko në dreq”, thotë Tahirukaj.
E pritjes për ta parë familjen në Bosnje, po i vije fundi.
Kjo pasi Kosova dhe Bosnja së fundmi njoftuan se qytetarët e dy vendeve, së shpejti mund të udhëtojnë pa viza.
Ky lajm, më së shumti e gëzoi të moshuarën nga Qyshku i Pejës, e cila tani i ka bërë edhe planet e vizitës në Gllamoq.
“Ma mrriftë ymri, po kam qejf, edhe për dru e gur me ka marrë malli, edhe për të vdekurit me shku me bo një zijaret.”, theksoi ajo.
Ndërkohë, shpresa për ta vizituar vendlindjen, e shtyri ta rrezikonte edhe jetën.
75 vjecarja, tregon se si i kishte shpëtuar dokumentet para forcave serbe.
“Tha qitni çka i keni neper xhepa, vec e kom marr shkrepësen e burrit prej dore, e kom gjujtë, edhe i kom çu durtë, qetu me kanë shpëtuar dokumentet”, shtoi ajo.
E ky lajm e ka gëzuar edhe vajzën e Rafijes, Mejremen.
Kjo tregon se sa e rëndë ishte për nënën e saj, pamundësia për t’i parë të afërmit.
“Ka ndodh sa here kam shku, nuk i kam tregu hiç, se u mërzitke”, thotë vajza e saj.
Deri më tani, kosovarëve u është dashur viza për të hyrë në Bosnje dhe Hercegovinë.
Kronika e realizuar nga gazetari Fidan Zejnullahu.