Ishte paraparë që edhe këtë të shtunë të bëhej zëvendësimi i orëve të humbura, por këtë të shtunë në shkollën fillore “Asim Vokshi”, në kryeqytet nuk u paraqit as edhe një nxënës.
Megjithë gatishmërinë e mësimdhënësve të cilët cilët ishin të gatshëm për zhvillimin e procesit mësimor, mësimi nuk u mbajt, kjo meqë nxënësit nuk shprehën interesim.
Nazif Jashari, drejtor në këtë shkollë thotë se të shtunet e kaluara ishin vetëm tre nxënës prezent, derisa thekson se janë kthyer mbrapsht duke mos e zhvilluar mësimin pa shokët e tyre.
“Mësimdhënësit të gjithë iu kanë përgjigj ministrisë dhe kanë ardhë në shkollë, mirëpo nxënësit jo. Të shtunave kanë ardhe vetëm dy nxënës dhe janë kthyer në shtëpi nuk është mbajtur mësim”, thotë Jashari.
Drejtori ekzekutiv i Asociacionit të Komunave të Kosovës, Sazan Ibrahimi, thotë se në shumicën e shkollave nuk janë duke u zëvëndësuar orët e humbura.
Derisa thekson se në interes të Ministrisë së Arsimit është të kontrollojnë prezencen e mësimdhnësve dhe jo të nxënësve.
“Është konstatuar se në shumicën e shkollave në komunat e Republikës së Kosovës se mësimi nuk është duke u mbajtur gjatë ditëve të shtuna. AKK ka kërkuar që zëvëndësimi i orëve të humbura të bëhet duke u shtuar nga një orë mësimi ditëve të javës. Drejtorët komunal të arsimit gjatë mbledhjes kanë konstatuar se Ministria e Arsimit më shumë janë të interesuar të kontrollojnë se apo shkojnë mësimdhnësit në shkollë se sa nxënësit”, thotë Ibrahimi.
Përveq prindërve, për zëvendësimin e orëve të humbura kundër ishin edhe Sindikata e Arsimit, Shkencës dhe Teknologjisë (SBASHK).
Kronika e realizuar nga gazetarja Lendrina Kodrolli.