Në një postim në Facebook, Sallahu ka thënë se “vetëm kështu garantohet shteti i së drejtës të cilin patjetër që do ta bëjmë”.
“Vazhdimi i hetimeve për aferën “Brezovica” ka çuar sot në arrestimin e edhe të 7 personave të tjerë, 3 nga të cilët ish-zyrtarë të Ministrisë së Mjedisit, Planifikimit Hapësinor dhe Infrastrukturës, si dhe 4 pronarë të kompanive ndërtimore. Ndërkohë, janë kryer po ashtu edhe dhjetëra bastisje në disa qytete të vendit tonë lidhur me rastin dhe provat për të dyshuarit. Sot, si Qeveri me përkushtim maksimal për luftim të krimit dhe korrupsionit në çdo sferë, jemi të bindur se vendin tonë do ta kthejmë kah e mbara. Vetëm kështu garantohet shteti i së drejtës të cilin patjetër që do ta bëjmë”, ka shkruar Sallahu.
Shtatë persona janë arrestuar nga Policia e Kosovës me urdhër të Prokurorisë Themelore në Ferizaj në aksionin “Brezovica3”, të zhvilluar sot në Ferizaj, Prishtinë, Skenderaj e Lipjan.
Në mesin e të arrestuarve 3 prej tyre janë ish- zyrtarë të Ministrisë së Mjedisit, Planifikimit Hapësinor dhe Infrastrukturës dhe katër (4) pronar të kompanive ndërtimore, të cilët dyshohen për keqpërdorim të detyrës zyrtare, marrje, dhënie të ryshfetit, si dhe ushtrim i ndikimit. /Teve1.info/
