Ambsadorët mbështetën rolin e KQZ-së, në administrimin e zgjedhjeve të lira dhe të ndershme.
Në njoftimin e ambasadës së Amerikës në Tiranë thuhet se , Ambasadorja Kim nënvizoi mbështetjen e SHBA-së për të drejtën themelore demokratike të qytetarëve për të votuar sipas vullnetit të tyre, në qetësi, pa kërcënime apo nxitje të panevojshme. Ajo nxiti KQZ-në që të ushtrojë përgjegjësitë e saj në përputhje me ligjin dhe normat ndërkombëtare, përfshirë verifikimin e kualifikimit të kandidatëve.
“Shtetet e Bashkuara mbeten mbështetëse të palëkundura të Shqipërisë dhe popullit shqiptar, ndërsa ata punojnë për një demokraci më të fortë dhe një të ardhme më të begatë”, thuhet në njoftim.
