Lajmin për tëvë1.info e ka konfirmuar zëdhënësi i Doganës së Kosovës, Adriatik Stavilevci, teksa tha se zëvendësimet do të bëhen nga alkimi i stafit nga pikat tjera, raporton teve1.info.
“9 serb dhe 2 boshnjakë të Doganës së Kosovës kanë dhënë dorëheqje. Ata punonin në Jarinjë e Bërnjak. Zëvendësimi i tyre do të bëhet duke alokuar doganierë nga pika tjera”, ka thënë Stavileci.
Doganierët serbë dhe boshnjakë që kanë dorëzuar dorëheqjet, kanë folur për mediumin serb “Kosovo Online”. Ata kanë thënë se dorëheqja ishte për “shkaqe morale dhe solidaritet ndaj popullit serb”.
“Ajo që dua të them është se kemi pasur bashkëpunim të shkëlqyer me kolegët tanë shqiptarë si ata të Doganës ashtu edhe të Policisë. Shpresoj që të gjendet ndonjë zgjidhje”, ka thënë një nga doganierët serbë në veri që është dorëhequr./Teve1.info./
Dorëheqjet e tyre po ndodhin pas vendimit të serbëve për largim nga institucionet e Kosovës.
Vendimi i tyre për dalje nga institucionet vije pas shkarkimit nga detyra e drejtorit të policisë në veri, Nenad Gjuriq i cili kishte refuzuar të shpërndajë fletëqortimet për qytetarët serbë që vozisin vetura me targa lokale e jo me ato të lëshuara nga institucionet e Kosovës.
Serbët kanë vënë kusht heqjen e vendimit për targat nga Qeveria e Kosovës dhe formimin e Asociacionit të Komunave me shumicë serbe për kthim në institucione.
Qeveria e Kosovës ka thënë se këto vendime janë të orkestruar nga Beogradi si shkak i mospranimit të planit franko-gjerman për dialogun.
