Gjithashtu, bëri të ditur se rezervat e deponuara tashmë janë vendosur në vende të sigurta, teksa tha se operatorët ekonomikë po ashtu kanë kryer obligimet e tyre sa i përket kësaj çështje.
“Ligji i rezervës shtetërore dhe mallrave obligon Departamentin e Rezervës Shtetërore Të Mallrave për furnizim sipas planit trevjeçar 2021-2023, plan i cili është aprovuar nga Qeveria Kurti. Sipas këtij plani 3 vjeçar dhe me kërkesën 7.5 milionë euro që kishte ky plan, të cilin Qeveria aktuale nuk e ka ndarë si fond, ne e kemi aprovuar kërkesën buxhetore nga 7.5 milionë plus 2.5 milionë, që i bie gjithsej 10 milionë për vitin 2022 dhe 15 milionë për vitin 2023. Të gjithë operatorët ekonomikë i kanë kryer obligimet, kështu që sasitë e deponuara të rezervave janë vendosur në pjesë të ndryshme të vendit me sigurinë e operatorëve ekonomikë sipas kontratave të nënshkruara”, deklaroi Hajdari pas pyetjes së deputetit Hoti, raporton teve1.info.
Më tej, ajo theksoi se kanë nënshkruar më shumë se një kontratë vetëm gjatë vitit 2022. Gjithashtu, tha se tanimë kanë një kontratë të re në proces të negocimit dhe një tjetër në proces të sjelljes.
E lidhur me këtë çështje, deputeti i Lidhjes Demokratike të Kosovës, Avdullah Hoti, vlerësoi se nga kjo përgjigje e ministres Hajdari, ofrohet një siguri që në qoftë se gjatë dimrit ka mungesë të mallrave në treg, rezervat shtetëror mund të ndërhyjnë./Teve1.info/.
