Përmes një postimi në Facebook, ai u shpreh se ky lajm është i pavërtetë, shpifës por edhe tendencioz që ka qëllim shpërndarjen e informatave të pavërteta të zyrtarëve të lartë qeveritarë.
“Disa media, kanë drejtuar pyetje dhe po raportojnë se Ambasada e Shteteve të Bashkuara të Amerikës, ka refuzuar vizën për Ministren e Drejtësisë, znj. Albulena Haxhiu dhe është anuluar vizita në ShBA. Një lajm i tillë përveç se është i pavërtetë dhe shpifës, është tendencioz dhe ka për qëllim shpërndarjen e informatave të pavërteta për zyrtaret e lartë të Qeverisë së Republikës së Kosovës”, thuhet në postim.
Sipas tij, me ftesë të autoriteteve amerikane në dhjetor Haxhiu planifikon vizitë zyrtare në SHBA, ku do të ketë takime zyrtare me përfaqësues të Departamentit të Shtetit Amerikan.
“Me ftesë të autoriteteve Amerikane, në muajin dhjetor të këtij viti, Ministrja Haxhiu planifikon një vizitë zyrtare në Shtetet e Bashkuara të Amerikës, gjatë së cilës vizitë do të ketë takime zyrtare me përfaqësues të Departamentit të Shtetit Amerikan, Departamentit për Drejtësi dhe institucione të tjera. Në këtë vizitë, Ministrja Haxhiu do të jetë edhe pjesë e konferencës globale anti-korrupsion në Ëashington DC”, shkroi ndër tjerash ai./teve1.info/
