Ai në Facebook ka shkruar se investimi më i madh i Serbisë ka qenë krijimi i bindjes se Kosova duhet të ecë pa aleatë.
“Kush do ta kishte menduar një fitore të tillë të Serbisë?! As në ëndërrta më të mira të tyre, nuk është menduar që Kosova do të normalizojë distancimin nga aleatët tanë kaq lehtë e kaq shpejtë. As në ëndërrat më të mira të Serbisë nuk është pritur ky përfundim i Kosovës me shtetet që i kanë dhënë dhe lirinë, dhe demokracinë dhe pavarësinë”.
Abdixhiku ka thënë se ta lësh Kosovën pa aleatë, është tradhti, ndërsa ecja me SHBA-në është akt patriotik.
“Koha për refuzim dhe përballje të kësaj influence në vendimmarrje shtetërore e në diskurs publik. Nuk guxojmë një grup mjeranësh të na sjellin në këtë pozitë. Ta lësh Kosovën pa aleatë, është tradhti. Kërkesa për ecje me ShBA është akt patriotik”, ka shkruar ai, raporton teve1.info.
Shtetet e Bashkuara të Amerikës dhe BE kanë kritikuar Qeverinë e Kosovës për mosshtyrje të vendimit për konvertimin e targave lokale në veri të Mitrovicës me ato të Republikës së Kosovës, pavërsiht se thonë se një vendim i tillë i Qeverisë është i drejtë.
Ky vendim i Qeverisë së Kosovës është kundërshtuar edhe nga serbët në veri, të cilët kanë dhënë edhe dorëheqje nga të gjitha institucionet e Kosovës./teve1.info/