Meqë gjyqtarët e zyrtarët e komunitetit serb nuk po dalin në punë pas dorëheqjes së dhënë të dielën.
Kjo ka nxitur edhe Këshillin Gjyqësor që të ndërmerr hapa.
“Në këtë takim, Këshilli ka kërkuar nga kryetarët e gjykatave dhe drejtori i Sekretariatit të KGJK-së, raport të detajuar, ta vlerësojnë gjendjen e krijuar dhe si autoritetet kompetente në kuadër të gjykatave të tyre, të marrin të gjitha masat dhe të japin të gjitha propozimet e nevojshme për mirë funksionimin e punës në gjykata pa ndërprerje:, thuhet në njoftimin e Këshillit Gjyqësor.
Informacione të njëjtë kërkoi edhe Këshilli Prokurorial prej prokurorisë përkatëse.
“Këshilli Prokurorial nuk u lëshua në shqyrtimin e dorëheqjeve të ofruara nga prokurorët dhe stafi administrativ, ngase paraprakisht nevojitet një analizë dhe vlerësim i gjendjes së krijuar nga organet kompetente lidhur me përgjegjësit eventualë që kanë shkaktuar këtë gjendje”, thuhet në njoftim.
Rezultat të kësaj situate, ish prokurori në Mitrovicën e Veriut Shyqyri Syla, e sheh zvarritjen e lëndëve gjyqësore.
Si shkatërrim të gjyqësorit e sistemit prokurorial në veri, e ka quajtur edhe Gzim Shala nga IKD.
Dorëheqja e stafit të komunitetit serb në sistemin gjyqësor e prokuroria në veri, erdhi së bashku me largimin e Listës Serbe nga institucionet e vendit.
Kronika e gazetares Florijeta Dernjani.
