Në një konferencë për media, ai tha se nga informacionet e mbledhura, del se pjesë e këtyre sulmeve janë ish-pjesëtarët e Policisë së Kosovës që kanë dhënë dorëheqje në komunat veriore.
Madje, ai tha se konflikti në këtë pjesë të vendit nuk është mes dy etnive, por mes qytetarëve pa dallim dhe grupeve kriminale.
“Tashmë kemi edhe të dhënat e para të mbledhura nga terreni qoftë nga Policia qoftë edhe inteligjenca e cila na thotë se në pjë pjesë e këtyre krimineleve vijnë nga rradhët e ish-pjesëtarëve të PK-së edhe një herë u dëshmnua atë se çfarë kemi thënë në vazhdimësi se konflikti dhe ndarja në këto komuna nuk është mes dy etnive por është njërën anë qytetarët pa dallim etnie dhe nga ana tjetër bandat ekstremiste kjo ndodhi edhe dje”, tha ai.
Tutje, Sveçla ka falënderuar qytetarët e asaj pjese se pavarësisht sirenave dhe kërcënimeve nga këto grupe, nuk iu kanë bashkëngjitur atyre.
“Pavarësisht kërcënimeve dhe sirenat që përdorën këto organizata qytetarët e Kosovës në ato komuna nuk dolën për të mbështetë kriminelët në ballafaqimin mes shtetit ligjor, demokratik dhe krimit, u dëshmua se qytearët nuk përkrahën këtë dhunë”, tha ai.
Po ashtu, ministri tregoi se organet e sigurisë janë duke u angazhuar që të sillen para drejtësisë të gjithë kryerësit e këtyre veprave.
“Policia dhe Prokuroria Speciale janë duke u angazhuar në maksimum që të gjithë kriminelët e përfshirë në këtë sulm terrorist ndaj institucioneve tona të sillen para drejtësisë. Kemi të dhënat e para të mbledhura nga terreni, nga policia e rendit dhe inteligjenca, e cila thotë se një pjesë e këtyre kriminelëve vijnë nga radhët e ish pjesëtarëve të policisë së Kosovës”, tha ai./teve1.info/
