Pas një gjyqi disa mujor, me pranga në duar ish gardiani serb, erdhi në Gjykatën Themelore në Prishtinë.
Ndaj Dragisha Milenkoviq, të mërkurën u shpall aktgjykimi.
Ai u shpall fajtor për veprën penale, krime lufte, duke u dënuar me 7 vite burgim.
Milenkoviq, u shpall fajtor edhe për veprën penale armëmbajtje pa leje, për çka u dënua me gjobë prej 1 mijë e 500 euro.
Ky vendim nuk u mirëprit nga familja e tij.
Mbrojtja e cilësoi si vendim politik.
Si gardian në burgun e Lipjanit e Prishtinës, aktakuza e Prokurorisë Speciale thotë se Dragisha Milenkoviq, i ka torturar e maltretuar të burgosurit shqiptarë.
