Policia ka bërë të ditur se rastet e dhunës kanë ndodhur në Lipjan, Podujevë, Ferizaj, Prizren e Gjakovë, raporton teve1.info
Në Lipjan burri ka kanosur dhe ka ushtruar dhunë psikike ndaj gruas së tij. I dyshuari është arrestuar.
“Lipjan 13.05.2022 – 22:55. Është arrestuar i dyshuari mashkull kosovar pasi që i njëjti kishte ushtruar dhunë psikike dhe kanosje ndaj bashkëshortes së tij femër kosovare. Pas intervistimit me vendim të prokurorit kujdestar, i dyshuari dërgohet në mbajtje”, thuhet në raport.
E në Podujevë një person ka sulmuar gruan e tij më 11 maj dhe është arrestuar dje, i njëjti është liruar në procedurë të rregullt.
“Podujevë 11.05.2022 – 21:00. Është arrestuar me 14.05.2022 i dyshuari mashkull kosovar nën dyshimin se i njëjti me datën e cekur ka sulmuar fizikisht viktimën femër kosovare-bashkëshorten e tij. Viktimës i është ofruar tretman mjekësor, ndërsa i dyshuari pasi është intervistuar, me vendim të prokurorit është liruar në procedurë të rregullt”, ka bërë të ditur Policia në raportin 24 orësh.
Ndërsa në Ferizaj burri ka rrahur gruan e tij, viktima ka pranuar tretmanë mjekësor.
“Ferizaj 14.05.2022 – 15:30. Është arrestuar i dyshuari mashkull kosovar nën dyshimin se kishte ushtruar dhunë fizike ndaj bashkëshortes së tij, viktimës femër K kosovare. Viktimës iu është ofruar trajtim mjekësor. Në lidhje me rastin është konsultuar prokurori i shtetit me vendim të së cilit i dyshuari pas intervistimit është dërguar në mbajtje”, thuhet në raport.
Po ashtu në Prizren, babai e ka rrahur fëmijën e tij, i njëjti është arrestuar.
“Prizren 14.05.2022 – 19:45. Është arrestuar i dyshuari mashkull kosovar pasi që i njëjti kishte ushtruar dhunë fizike ndaj vajzës së tij, viktimës (fëmijë) femer kosovare. Sipas ankueses Me urdhër të prokurorit i dyshuari është dërguar në mbajtje. Në lidhje me rastin është konsultuar prokurori i shtetit, rasti vazhdon të hetohet”, thuhet në raportin 24 orësh.
E në Gjakovë gjatë 24 orëve të fundit janë raportuar 3 raste të dhunës.
“Gjakovë 14.05.2022 – 12:00. Është arrestuar i dyshuari mashkull kosovar pasi që i njëjti në vazhdimësi kishte ushtruar dhunë psikike ndaj motrës së tij kosovare. Me urdhër të prokurorit i dyshuari është dërguar në mbajtje.”
“Gjakovë 14.05.2022 – 18:00. Viktima femër kosovare ka raportuar se është keqtrajtuar psiqikisht dhe fizikisht nga bashkëshorti i saj, i dyshuari mashkull kosovar. I dyshuari është kërkuar por nuk është hasur nga policia. Në lidhje me rastin është konsultuar prokurori i shtetit, rasti vazhdon të hetohet.”
“Gjakovë 14.05.2022 – 11:00. Është arrestuar i dyshuari mashkull kosovar nën dyshimin se kishte ushtruar dhunë psikike dhe fizike ndaj viktimave kosovarë. Me urdhër të prokurorit i dyshuari është dërguar në mbajtje.”
