Strukturat udhëheqëse të Odës së Avokatëve të Kosovës kanë ndryshuar.
Me shumicë votash në krye të saj, u zgjodh avokati, Besnik Berisha, kurse si nënkrytar, avokati, Naim Rudari.
Ndaj udhëheqësisë së re ka kërkesa për punët që do duhej të ishin prioritet.
Anëtarët e kësaj ode, vlerësojnë se fokus duhet të marrë aspekti i digjitalizimit të dosjeve.
Kërkesë tjetër është ulja e tarifave të avokatëve, e cila konsiderohet se mund të rregullohet me një rishikim buxheti apo kuvend të jashtëzakonshëm.
Oda e Avokatëve të Kosovës është një organizatë vetëqeverisëse, demokratike e avokatëve kosovar e cila vepron si e pavarur nga organet shtetërore.
