Kryetarja e Komitetit për Punë të Jashtme në Britaninë e Madhe, Alicia Kearns ka shprehur edhe njëherë mbështetjen për Kosovën në raport me situatën aktuale në veri të vendit.
Gjatë fjalimit të saj në parlamentin britanik, Westminster Hall, ajo pyeti se si është e mundur që Serbia të merr pjesë në një ushtrim ushtarak me ShBA-në, vetëm një javë pas kidnapimit të policëve të Kosovës.
“Kur Serbia kidnapoi tre zyrtarë të policisë së Kosovës, nuk kishte asnjë dënim për Serbinë. Në fakt Serbia mori pjesë në një ushtrim ushtarak me Shtetet e Bashkuara, vetëm një javë më vonë, përderisa policët e Kosovës po mbaheshin ende ilegalisht. Çfarë mesazhi e përçon kjo te një aleat demokratik në Kosovë që ka qëndruar me ne për Ukrainën, na ka ndihmuar dhe ka bërë çdo gjë që i kemi kërkuar…Ka masa nga ShBA dhe BE për Kosovën por jo për Serbinë”, ka deklaruar ajo, transmeton teve1.info.
Po ashtu Kearns ka pyetur se çfarë mesazhi përçon Serbia kur zgjedh Viktor Orbanin e Hungarisë ta përçojë lajmin për lirimin e policëve kosovarë.
“Kur Serbia më në fund liroi tre policët e Kosovës, kujt i treguan së pari. Ata shkuan te Viktor Orbani në Hungari dhe e lejuan atë që ta kumtojë lajmin. Çka do t’i thoja unë BE-së është se çfarë mesazhi ajo [Serbia] dërgon kur Viktor Orbani është personi të cilin ju e zgjedhni për ta dërguar mesazhin që ju e dërgoni”, ka deklaruar ajo.
E fjalimin e Kearns e ka mbështetur Ambasadori i Kosovës në Britaninë e Madhe, Ilir Kapiti.
“Mirënjohje maksimale për @AliciaKearns për përkushtimin dhe kontributin e saj të palëkundur gjatë debatit të sotëm për Kosovën në Westminster Hall. Faleminderit për angazhimin tuaj të palëkundur! 🇬🇧 🙏 🇽🇰”, ka shkruar ambasadori.
Expiring utmost gratitude to @AliciaKearns for her unwavering dedication & insightful contribution during today’s Kosovo debate in Westminster Hall.
Thank you for your steadfast commitment! 🇬🇧 🙏 🇽🇰 pic.twitter.com/iErGmgckue
— Ilir Kapiti (@IlirKapiti) July 4, 2023
