Vatra të shumta zjarri vazhdojnë të jenë ende aktive.
E pikërisht kjo ishin arsyeja që Agjencia e Menaxhimit të Emergjenca thirri këtë të mërkurë konferencë për media.
Drejtori i kësaj Agjencie, Genc Metaj tha se vetëm gjatë javës së fundit, u raportuan mbi 600 zjarre.
Gjatë kësaj jave situatë më e rënduar ka qenë në fshatrat Kçiq i Vogël, Zasellë, Dumnicë, Merdar, Orllan ku është rrezikuar seriozisht jeta e njerëzve dhe infrastruktura private dhe shtetërore. Kemi pasur edhe intervenim të KFOR-it në fshatin Kçiq i Vogël në Mitrovicë dhe në fshatin Meshin të Kamenicës për të reduktuar masën e zjarrit.
Momentalisht i kemi nëntë vatra aktive dhe po punohet që edhe këto të shuhen plotësisht, tha Metaj.
Për zjarrvënie deri më sot, Policia e Kosovës ka arrestuar 23 persona.
“Përveç pjesës të bashkëpunimit ndërinstitucional ju ka përgjigje pothuajse të gjitha rasteve të raportuara sa i përket zjarreve apo zjarrvënieve. Për të gjitha këto raste, Policia e Kosovës deri sot ka arrestuar 23 persona, po ashtu në kuadër të këtyre rasteve bazuar në Kodin Penal ka iniciuar 193 raste të cilat kanë të bëjnë me shkaktimin e rrezikut të përgjithshëm dhe me nenin që ka të bëjë me zjarrvënie”, ka thënë nënkoloneli Jeton Rexhepi.
E shkak i këtij rreziku, u apelua te qytetarët që të tregojnë kujdes të shtuar.
“Kërkojmë nga qytetarët që të angazhohen të përdorin makineritë e tyre për të krijuar vija ndarë në vendet ku rrezikohet jeta dhe prona e tyre. Duhet të ritheksohet vendimi i Ministrit të Punëve të Brendshme më të cilin ndalohen të gjithaq format e ndezjes së zjarreve në hapësirat e hapura në të gjithë territorit e vendit. Çdo neglizhencë, qëllim apo pakujdesi në ndezjen e zjarreve do të trajtohet seriozisht dhe do të pasohet me veprime ligjore”, tha drejtori i AME-së.
Përveç Kosovës, situata me zjarre ka përfshirë edhe vendet e rajonit dhe disa vende të Evropës.
Ndërsa në Shqipëri, disa fshatra janë evakuuar për shkak të rrezikut nga zjarret.
