Sot një 62-vjeçar ka tetuar që të vetëvritet në Ferizaj. I njëjti kishte hipur mbi një vinç të lartë rreth 40 metra, afër një objekti banesorë, ndërsa policia ka dalë menjëherë në vendin e ngjarjes.
Lajmin për teve1.info e ka konfirmuar zëdhënësi i policisë për rajonin e Ferizajt, Kanun Veseli, teksa ka deklaruar se pas shumë përpjekjeve të togerit të policisë, viktima është bindur që të mos kryej vetëvrasje
“Sot, rreth orës 13:03 Policia Rajonale e Ferizajt ka pranuar një informatë se një person mashkull, kosovar i moshës 62 vjeçar, kishte hipur mbi një vinç të lartë rreth 40 metra, afër një objekti banesorë në ndërtim në rrugën ’’Ahmet Kaciku’’ në Ferizaj dhe po tentonte të vetvritej. Menjëherë në vendin e ngjarjes kanë dalë ekipe të policisë nga njësia reaguese dhe njësia e hetimeve së bashku me mbikëqyrësin e ndërrimit të stacionit të policisë në Ferizaj”, ka thënë Veseli.
Veseli për teve1.info ka bërë të ditur se, pas marrjes së informatave, janë njoftuar edhe ekipe mjekësore nga Qendra Emergjente, si dhe Brigada Zjarrfiksëve të Ferizajt, të cilët kanë dalë në vendin e ngjarjes.
“Janë marrë të gjitha masat e nevojshme për shpëtim nga ekipet në vendin e ngjarjes, është bllokuar për qarkullim rruga “Ahmet Kaçiku” dhe menjëherë mbikëqyrësi i ndërrimit ka filluar të negocioj me viktimën dhe ta bindë atë, që mos të kërcejë/bëjë vetvrasje nga lartësia”, deklaroi Veseli.
“Pas shumë përpjekjeve të mbikëqyrësit të ndërrimit Toger R.H, në ora 13:50 viktima është bindur dhe ka lejuar që të shpëtohet dhe të zbresë nga vinçi në tokë pa asnjë lëndim”, ka thënë ai.
Policia viktimën e ka shoqëruar në stacionin e policisë në Ferizaj dhe nën autorizim të prokurorit kujdestar nga Prokuroria Themelore në Ferizaj, rasti është cilësuar ” Vetëvrasje në tentativë”, ndërsa policia po vazhdon hetimet./teve1.info