Ai do të takohet me serbët e Kosovës pas takimit të Këshillit të Sigurisë Kombëtare, në Pallatin e Serbisë, ka njoftuar shërbimi për shtyp i Presidentit serb, raporton Tanjug.
Ndërkaq, seanca e Këshillit të Sigurisë Kombëtare është caktuar për t’u mbajtur mesditën e së martës ku do të diskutohen temat më të rëndësishme, përfshirë refuzimin e kryeministrit të Kosovës, Albin Kurti për mbajtjen e zgjedhjeve në Kosovë.
“Prisni gjithçka, sot Qeveria e Malit të Zi ndaloi votimin në Berane, Sutomore, Nikshiq për zgjedhjet tona. Qeveria e Kurtit kërkoi njohjen e Kosovës për ta miratuar votën. Mendoj se e dini shumë mirë se çfarë përgjigje do të marrin nga ne. Ata do të marrin një përgjigje, njerëz të përgjegjshëm dhe seriozë, por përgjigja jonë këtë herë do të jetë e gjerë, Serbia është mjaft e zgjuar sot, jam i bindur se do të mund të ruajmë paqen dhe lirinë për popullin tonë, se do të jemi të zgjuar dhe të fortë për të siguruar gjithçka që nuk kemi ditur të bëjmë në të kaluarën”, tha dje Vuçiq./teve1.info/
