Shkëndija e Tetovës ka pësuar disfatë 4:0 në ndeshjen e kthimit ndaj Samsunsporit në kuadër të fazës “play-off” të Ligës së Konferencës.
Të enjten, në ndeshjen e kthimit në Turqi, Samsunspori ishte dukshëm ekip më i fortë dhe avancoi në 1/8 e finales me rezultatin e përgjithshëm 5:0.
Samsunspori edhe para një jave triumfoi në Shkup ndaj Shkëndijës (1:0).
Olivier Ntcham e shënoi golin për 1:0 në minutën e 53-të.
Sulmuesi Cherif Ndiaye e shënoi golin e dytë në minutën e 71-të.
Marius e realizoi golin e tretë në minutën e 79-të dhe të katërtin në minutat shtesë për rezultatin përfundimtar dhe kalim tutje të Samsunsporit.
Shkëndija e Tetovës shkroi historinë duke u kualifikuar në plejofin e fazës nokaut.
